Hoxe é a gran noite de Reis (para quen teña a sorte de telos). Como non perdo a esperanza en ningún momento, hoxe á tarde non se me ocorreu mellor cousa que i
r ver a cabalgata de Santiago cuns amigos, cousa que fago por primeira vez. Tras vinte minutos pasando frío vimos que xa eramos moi vellos para estas cousas (o bombardeo de caramelos xa non nos entusiasmaba, de feito doia) así que decidimos algo máis axeitado para a nosa idade: ir tomar algo a un bar xD. A cuestión é que de camiño alí puiden fixarme na decoración de múltiples tendas. En xeral as tendas optan por unha decoración sinxela, non moi cargada pois non debemos esquecer que o seu obxectivo é vender produtos co cal a xente debe fixarse neles non na decoración. Hai algunhas que son tan sinxelas que elixen pór unha cinta no escaparate e unha árbore de nadal pequeniña ou como na miña perruquería un detalle familiar (e moi bonito para o meu gusto) que foi poñer ademais un Belén de papel feito pola filla da dona. As tendas máis detallistas normalmente colocan un Belén exultante (en ocasións con material da mesma, unha boa forma de marketing) ou coma no caso do Corte Inglés colosal. Nos caso das tendas de roupa de tirón entre a xuventude (véxase Bershka, Stradivarius,…) óptase por unha decoración máis sobria e un cosmopolita cartel de “Merry Christmas and Happy New Year from…”. Quizais os bares e pubs sexan os establecementos que menos se preocupan pola súa decoración, polo menos aquí en Santiago e arredores. Aínda que iso si, nunca faltan os típicos gorros de Papá Noel. En cambio, como é obvio, as tendas de decoración e de cousas do fogar adoitan ser das máis luminosas, tamén moitas veces pola posibilidade do xa dito antes: poden lucir os seus propios obxectos decorativos para a exposición (e posterior venda) e para decorar. En xeral son os exemplos máis significativos que se me ocorren, non sei se podedes engadir máis. A decoración nos establecementos comerciais nesta época é moi importante pois se xa o é durante todo o ano máis nun tempo no que a atracción do consumidor é esencial. Aínda así non debemos esquecer que unha boa colocación e exaltación do produto tamén é fundamental para o seu éxito no mercado. Como exemplo unha técnica que empregaron en Alcampo para chamar a atención da Caixa Verde, unha caixa ecolóxica na que só se empregan bolsas recicladas que se poden mercar alí e posteriormente reutilizar. Como nadie se daba conta da finalidade da caixa, decidiron transportar as plantas da sección de frutería (non me preguntedes porque estaban alí…) e poñelas no expositor ó lado das caixas en cuestión. Un truco sinxelo que chamaba a atención da xente, xa que esta relacionaba as plantas coa caixa verde e este co pensamento ecolóxico e a idea en cuestión. O problema: as queixas dunha persoa porque nese lugar as plantas non recibían luz e murchaban…
PD: en Alcampo a luz solar non chega a ningún sitio, dou fé. ;)
