Un deseño de cine

A comodidade, a eficacia son termos útiles, conceptos necesarios a ter en conta á hora de facer un bo deseño. No caso dos carteis cinematográficos a calidade e utilidade técnica é un termo relegado. O que importa por encima de todo é a estética. Por suposto, cando se quere promocionar un filme ou cando un cinéfilo desexa mercar o póster que tanto anhela esíxese que o soporte teñas as mellores condición posibles (material de boa calidade, cores intensas, dimensións axeitadas,...). Pero o obxectivo co que foi creado é puramente estético pois poderíase dar a coñecer un filme colocando o seu título acompañado dunhas breves referencias sen máis . E isto non acontece. O que se busca, e cada vez máis, é impactar, impresionar, que a imaxe sexa suxerente, atractiva e que o mesmo tempo nos transmita a esencia e espíritu da película que se presenta. Coma en todo, o intento de superación continua, de facer algo máis orixinal que o anterior deu lugar por unha parte a unha nova arte e á aparición de carteis que funcionan como verdadeiros iconos. Pero por outras, esta competencia tamén deu lugar a composicións que tentando causar o máximo impacto posible no espectador foron rexeitadas pola súa “inmoralidade” e incluso censuradas. Sexa como sexa a relevancia deste tipo de deseño actualmente é clara. Ou alguén pode dicir que non recoñece ningún dos exemplos? ;)