Idea proxecto web

Comeza a reunión do grupo na sala wifi da facultade. Moitas ideas, algunha sen xeito nin traza, e ao final decidimos que nos encargaríamos de apoiar a un novo grupo musical. Non se trata do de Fabio… Nós, ademais de crear a páxina, teremos o traballo de fundar o grupo. Non somos cantantes, sabémolo…pero, para qué enganarnos, hai moitos “cantantes” que non teñen boa voz e incluso te preguntas continuamente como conseguirán tanto éxito. Quizais sexa pola promoción, apoio económico e como non, contar cunha páxina web que chame a atención e consiga que o público se enganche. A páxina, en principio, contará coa estrutura común pero queremos introducir, se é posible, algo que permita aos fans (que serán moi numerosos jajaja) identificarse con cada un dos compoñentes do grupo. Estes terán unha personalidade e estética moi diferente, co que conseguiremos reunir a diferentes estilos nun só grupo! Algúns chamarannos frikis e outros tolos, ou non sei que máis, pero eu agora estou moi ilusionada! Cando comece o traballo duro irei poñéndome pesimista, coma sempre. Se tedes algunha suxestión será moi ben recibida. Vero Costamar, queres ser a artista que apadriñe ao grupo no seu primeiro traballo? Sei que si (;